以前

        同老公拍拖既经历，见佢咁苦恼都想开解下佢俾下意见佢。

        今次之后我同佢又再熟络左，无第二ｄ人在场时，同佢就好似朋友沟通咁样，

        而且佢开始有时会买ｄ野？我，有时买ｄ小食俾我，有时买ｄ小礼物俾我，呢种

        感觉真系好ｓｗｅｅｔ，又有ｄ暧昧咁，我已经有Ｎ年无呢种感觉，所以我亦越

        黎越ｅｎｊｏｙ，好多时都会叫佢车我兜下风去下唔同地方，咁我地就会多ｄ时

        间倾下计。

        虽然我个心有ｄ野，但我都仲好理智既，我知自己好清醒，唔会随便ｄ

        唔恰当既事，因为我好爱我老公同小朋友，唔想ｄ咩去破坏佢。

        直至有一日……

        （八）

        我老公工作越来越忙，亦多左要返大陆，虽然都唔洗过夜，但任何ｈｋ女人

        知自己老公要返大陆，唔多唔少都会有ｄ担心，所以我间中都会静鸡鸡ｃｈｅｃ

        ｋ佢电话，咁我地大家都知对方密码，所以好易就ｃｈｅｃｋ到，亦一直无咩发

        现，直到有一日我发现佢突然改左密码，我就即刻觉得一定有ｄ野……但好好彩

        竟然俾我撞到个新密码（因为我实在太了解佢，好容易就估到佢会用边４个数字）。

        一开左个电话我即时开佢ｐ睇，无发现，再开佢ｗｅｃｈａｔ，

        点知就俾我发现佢ａｄｄ左几个疑似叫鸡ｔａｃｔ，虽然只系ａｄｄ左无

        ｃｈａｔ内容，但我已认定佢左ｄ对我唔住既事。果一刻我真系呆左，个心好

        似俾人插左一刀咁！

        虽然我一向都觉得呢个世界无猫唔食鱼，男人无几多个系呢世都无过，一

        早我亦已有心理准备老公会对我唔住既野，果时仲谂一定同佢死过同佢离婚分

        佢家！但……原来当真系发生时，真系好难接受……当晚我谂左好多野，谂到

        小朋友仲细，谂到同佢一齐咁多年经历过咁多，谂到我仲好爱呢个男人，我就完

        全无勇气离婚，而且亦唔想拆穿佢，但其实个心好痛，仲要自己受晒唔讲得俾人

        知。（而家打紧都想喊Ｔ＿　Ｔ）

        果晚我无乜点训，所以第二朝个样劲残，呀贤见到我都问我系咪唔舒服，我

        无同佢讲发生咩事，只系送完细路返学之后就叫佢车左我去石澳海滩，一来我想

        风，二来呢到系我同老公拍拖成日黎既地方。去到我自己落左沙滩行，叫呀

        贤系车等我。当时天气开始凉又早，所以个沙滩无咩人，我就系到行左阵，然后

        望住个海谂番好多以前既野，谂下谂下就忍唔住喊起上黎，突然……有个人搭住

        我膊轻轻咁拍我安我，原来系呀贤……佢因为惊我有事所以落左车跟住我，

        於是我忍唔住伏左系佢心口喊，佢继续轻轻拍我，喊左阵我开始平伏左ｄ，呢个

        时候我开始留意到佢个心得好快，我即刻暗中偷笑，佢真系好可爱……当我喊

        完之后我都仍然伏系佢到，呢个时候佢见我喊完就话……

        Ｙ：Ｍａｎｄｙ，你有唔开心就尽情喊啦，喊左舒服ｄ

        Ｍ：（听到佢叫我个名而唔系太太，我当堂呆左）你先叫我咩话？